Faite sociu d’AFLEN
Que nun paren les fiestes de L’Entregu
Cola to cuota salen alantre El Descorche, La Laguna col Día del Bollu y Les Cebolles Rellenes.
Yá somos más de 900 socios
Lo que tienes al facete sociu
- El to carné nel móvil, col to númberu de sociu
- El to bollu y vinu (o’l revoltixu de los pequeños) nel Día del Bollu
- Tres fiestes que salen alantre gracies a los socios
- Tola familia nun solu pagu, y renuévase sola
Entrugues frecuentes
¿Qué significa facese sociu?
Cola to cuota ayudes a que salgan alantre les fiestes qu’organiza l’asociación: El Descorche (mayu), La Laguna col Día del Bollu (xunetu) y Les Cebolles Rellenes (payares). Tienes el to carné nel móvil y, nel Día del Bollu, el to bollu y vinu (o’l revoltixu de los pequeños).
¿Cuánto cuesta?
20 € al añu los adultos y 15 € al añu los menores de 18. Págase güei y renuévase sola cada añu, el mesmu día.
¿Pueo apuntar a tola familia?
Sí: amiesta a cada persona cola so fecha de nacimientu y pagáislo too xunto. P’apuntar a menores de 18, quien rellena’l formulariu tien que ser el so padre, la so madre o’l so tutor.
¿Qué recueyen los pequeños nes fiestes?
Hasta los 13 años, el revoltixu. De 14 a 17, el bollu (ensin la botella de vinu). Dende los 18, bollu y vinu.
¿Cómo me doi de baxa?
Cuando quieras, dende «Xestionar la mio cuota» (tamién ta nel to carné): nun se te vuelve a cobrar y el to carné val hasta qu’acabe lo que pagasti.
¿Ye seguru’l pagu?
El pagu failu Stripe, una plataforma de pagos segura. Nós nunca vemos los datos de la to tarxeta.
Yá soi sociu y pago en mano nes fiestes
Entós nun fai falta qu’apuntes equí: sigui renovando cola xunta. Si prefieres que se renueve sola con tarxeta, pídi-ylo a la xunta y preparántelo nun momentu.
¿Tienes duldes? Escríbinos a festejoslentregu@gmail.com